(5)必須:補本投注避免:忘本投注

又用以上的例子,可能有朋友會問:點解比重一定係(4,3,2,1)姐?我用(5, 3.5, 1, 0.5)唔得嗎?搏就搏到可以贏多D嘛。但唔好忘記我地唔係生神仙,當然我地想一投注就中,但如果開側D,我地可能贏唔到多錢,但至少都唔可以輸錢呀!若果真係開那條0.5的,就會輸左$200了。正所謂中三關都要輸錢,邊有咁低能架?

另一個問題:就係四條都唔中呢?咁就係賽前分析出的問題了。並不是投注的部份出錯。如果系中了那條0.5的而輸錢,就係投注部份出錯,因為冇設立補本投注,盲目追求高回報。

(6)必須:少以搏多避免:以多搏少
這點表面看來好簡單,但就正正好多朋友都會犯的錯。無他的,衰貪心小利而已。三國演義中,曹操曾經評論當時實力俾佢自已強的袁紹,曹操話袁紹:小利就搏晒命,大利就畏首畏尾(大致系咁的意思啦)。有不少人肯用一萬元買曼聯1.5倍的主勝,以為贏硬嘛,但就算俾你贏了,你咪得50%的回報?完全唔值得。

(7)必須:本錢要夠避免:算住度住

投資投注乜都好,最緊要是有本錢,這是恆古不變的定律。有關本錢我有兩點的理解:(A)本錢的多少與你的儲蓄有莫大的關係,投注本錢佔你的儲蓄越細越有利。假設你有10萬的儲蓄,只將1萬拿來做投注本錢,相應上心理負擔會冇咁大。另外就算真係輸曬1萬,都仲可以有機會用多1萬來進行另一個計劃。如果一開始就用3萬5萬做本錢,心理負擔會太多,輸曬後進行另一次計劃亦比較難有信心去推行了。(B)如果唔夠本錢,算住度住去買,就會好容易錯失一些贏錢的機會,或者係贏得少或者輸埋添;所以我以前提過一些想跟我學買波的朋友,我第一樣叫他們做的系儲錢(當然如果已有積蓄的就唔使啦),跟住叫他們將部份做投注本錢。那些餐搵餐食餐餐清的,我叫佢地唔好去買波的。

(8)必須:訂立目標避免:毫無目標

任何計劃都要有目標的,投注計劃亦唔例外。好多朋友只係希望:贏多D,贏多D!這不是目標,只是一種渴求。要達成一個計劃的目標是有方法、步驟及時間的。以我為例,我2年前用1萬做本錢,目標系在3個月將累積盈餘達到5萬,如果提早達成就再訂立另一目標,不能達成就修訂及檢討。

(9)必須:止蝕預算避免:沒有止蝕

有了本錢,有了目標,到止蝕預算了。我經常都會問自己及朋友,那本錢會打算投注幾多次(日)後,就會輸曬呢(暫且稱為”輸清比率——LRR”)?我自己就定為20。以1萬為例,20次當會輸曬,故我每次是會投注$500的。當然可以選擇LRR進取些或保守些。另外當1萬真係輸曬,咁會否再來一次投注計劃?我是會的,但我就不會有2次以上的。

(10)必須:保持注碼避免:注碼飄忽

這點真要詳細分享了。先講注碼飄忽:意思就係唔好按自己的喜惡來加大/縮少每次注碼。這違反了整個投注計劃的。但係在投注計劃內,又係會有每次注碼不同的事呢,以下會詳細說明。

保持注碼的意思,其實應是保持LRR。假設投注失利,盈余少於一萬,每次$500的投注是不會縮減的,因為有LRR=20嘛。但如果盈餘是正數呢?例如去到$15000,我的LRR又不變(其實我一直以來LRR都冇變過),每次的投注就係$750了。盈餘去到$50000,每次投注就係$2500。雪球是會不停的滾大。

admin

leave a comment

Create Account



Log In Your Account